15 persona të arrestuar brenda 24 orëve për dhunë në familje në Shqipëri, Balla përgëzon Policinë e Shtetit

13:21 | 25 Shkurt 2024
E.H

Ministri i Brendshëm i Shqipërisë, Taulant Balla ka bërë të ditur se brenda 24 orëve të fundit janë arrestuar 15 shtetas për dhunë në familje.

Në llogarinë e tij në Facebook, Balla ka përgëzuar Policinë e Shtetit për rritjen e vigjilencës dhe reagimin në kohë për parandalimin e këtyre rasteve, përcjell Arbresh.info.

“Përgëzime Policisë së Shtetit për rritjen e vigjilencës dhe reagimin në kohë për të parandaluar dhe goditur rastet e dhunës në familje, shantazhet në rrjetet sociale, si dhe rastet e krimeve seksuale dhe përndjekjeve, duke vënë në pranga 15 shtetas për to, gjatë 24 orëve të fundit, në të gjithë vendin”, ka shkruar Balla.

“Inkurajoj viktimat e dhunës, të denoncojnë në Polici këto raste se vetëm kështu na jepet mundësia të ndërhyjmë në kohë për të parandaluar fatalitetin që sjell dhuna”, ka shtuar ai./Arbresh.info