Policia e Tiranës ka shpallur në kërkim këngëtarin Stine (Ernest Duka), për skandalin e një nate më parë, ku ai u përfshi në një konflikt fizik me këngëtarin Flori Mumajesi gjatë finales së Këngës Magjike.
Sipas njoftimit të Policisë, 34­vjeçari Stine ka goditur me grushte
këngëtarin Flori Mumajezi ditën e djeshme. Sipas Policisë, ngjarja ka
ndodhur në rrugën “Papa Gjon Pali”, menjëherë pas mbarimit të
eventit.

Dy këngëtarët, për motive banale janë konfliktuar me njëri­tjetrin

fizikisht. Flori ka marrë disa lëndime dhe është dërguar në QSUT për
mjekim.

Ndërkohë, në ndihmë të Florit ka hyrë reperi Stresi, ndërsa këngëtari
Altin Goci ka tentuar të qetësojë gjakrat. Mendohet se shkak i sherrit
mes dy këngëtarëve kanë qenë votimet për këngët respektive.

Gjatë eventit, i cili u fitua nga Aurela Gaçe, Flori Mumajesi i kishte
dhënë vetëm dy pikë Stines. Kjo nuk është pritur mirë nga ky i fundit.
Tashmë, Stine kërkohet për plagosje të lehtë me dashje dhe sipas
Nenit 89 të Kodit Penal, rrezikon deri në 2 vjet burg