Ditën e djeshme u shënua 20 vjetori i nisjes së bombardimeve të forcave aleate të NATO-s ndaj bazave ushtarake serbe.

Fushata 72 ditore u shoqërua me masakra, dëbim dhe persekutim të popullsisë civile shqiptare e cila u detyrua të mësyjë Bllacën në tentativë për t’i shpëtuar barbarizmit serb.

E duket se në konvojet e refugjatëve ka qenë edhe këngëtarja Fjolla Morina. Në Facebook është publikuar një fotografi e Fjollës e alivanosur në Bllacë pas pesë ditëve të qëndrimit në kamp.

Momenti është kapur nga fotoreporterët në një foto ikonike që ilustron më së miri vuajtjet e popullatës civile.

Pranë këngëtares vërehet nëna e saj, e shqetësuar për gjendjen shëndetësore të Fjollës.

Ndërkohë sot ajo është një nga këngëtaret më seksi në estradën shqiptare dhe gjithmonë shfaqet provokuese me postimet e saj.