Ronaldon sërish ka mbushur faqet e para të tabloideve portugeze pas shpalljes si lojtari më i mirë në botë nga ana e FIFA-s.

Revista portugeze “TV Guia” ka vënë një fotografi të yllit të Real Madridit në ballinën e gazetës këtë javë, duke pretenduar se futbollisti e ka mashtruar Georgina Rodriguezin.

Ronaldo akuzohet se ka kaluar një natë me Natacha Sofian, bukuroshen 21-vjeçare portugeze, e cila u bë e famshme në saje të realit shout “Love on top”.

Sipas Sofias, ajo kaloi një natë me Ronaldon, pasi ishte njohur me lojtarin përmes rrjetit social, Instagram.

Natacha thotë se kaloi natën romantike me 32-vjeçarin në një hotel teksa pretendon të ketë shijuar “seksin më të mirë në botë”.

Pas marrëdhënies seksuale, ajo pohon se Ronaldo i kishte dhënë 300 euro për ta paguar një taksi që e dërgoi në shtëpi.

Ndryshe, kjo nuk është hera e parë që lojtari po akuzohet për afera seksuale, por të cilat më pas dalin të pavërteta.

Ronaldo është duke pritur të bëhet për herë të katër baba, ku e dashura është në muajin e gjashtë të shtatzënisë.