Prince Harry në një bisedë me miqtë e tij, ka treguar se i mungon ushtria dhe se jeta e tij është ‘kthyer përmbys’.

Sipas një burimi për Daily Telegraph, Duka i Sussex, që hoqi dorë nga familja mbretërore gjatë muajit të kaluar, ka zbuluar se i mungon shumë koha kur ishte ushtar, transmeton portal arbresh.info

Mbretëresha vendosi që t’ia heq nipit emërtimet e tij, pasi Prince Harry dhe gruaja e tij, Meghan Markle vendosen që të largohen nga familja mbretërore.

Në titujt që i janë hequr përfshihen edhe titujt për kapitenin e Përgjithshëm të Marinsave, Komandantin e Nderit Ajror Royal Force Air Force Honington, dhe Kryekomandantin e Anijeve të Vogla dhe Zhytjet.

“Ai ishte i lumtur kur shërbeu në ushtr, dhe pas takimit me Meghan, jeta e tij ka ndryshuar. Nuk mendoj se ai i kishte parashikuar gjërat që t’i dilnin kështu”, ka theksuar burimi për median angleze.

Sidoqoftë, burimi shtoi se Harry nuk e fajëson Meghan, 38 vjeç, për ndryshimin e jetës së tij.

Prince Harry ka kaluar 10 vite në ushtri, gjatë së cilës kohë ai morri pjesë në dy operacione në Afganistan dhe u klasifikua si komandant për helikopterët Apache.

Karriera ushtarake e Harry mori fund në qershor 2015, por që nga ajo kohë ai ka mbetur një avokat pasionant për Forcat e Armatosura dhe i është dhuruar një numër titujsh ushtarak ceremonial./arbresh.info/