Në prag të festivalit të njohur italian “Sanremo”, Alketa Vejsiu ka dhënë një intervistë ekskluzive për “La Stampa”, ku flet për pjesëmarrjen e saj në këtë festival dhe disa detaje private të pathëna më parë.

Moderatorja shqiptare është përzgjedhur në mesin e shumë vajzave të tjera të njohura për të prezantuar në “Sanremo”.

Ajo shprehet se në mesin e publikut do të jetë edhe familja e saj. Bashkëshorti Ardi Nelaj dhe vajza e Alketës do të ndjekin nga afër Alketa Vejsiun, pasi ashtu siç thotë moderatorja: “Familja është forca e saj dhe ekuilibri për të qenë e lumtur”.

Alketa shprehet e lumtur që do të ndajë skenën me partneren e futbollistit Cristiano Ronaldo,c: “Jam shumë e lumtur që do të ndaj skenën me Georgina-n. Jemi të dyja të huaja dhe më pëlqen ta mendoj Sanremo-n si një qytet të madh të bashkuar”.

“La Stampa” e përshkruan Alketën si një femër të bukur, por për moderatoren bukuria është shprehia e energjisë “Perfeksioni nuk ekziston, është iluzion. Energjia është reale, fsheh shumë sekrete. Të mbash zgjuar këtë energji është ajo që është e rëndësishme”.