Justin Bieber ishte në nje studio regjistrimi në Australi të dielën mbrëma, dhe një femër e cila ishte prezente aty pretendon se e kishin droguar – por persona të tjerë në studio thonë se asgjë e tillë nuk ka ndodhur, transmeton Klan Kosova.

Në rrjetet sociale, modelja australiane e quajtur Bailey Scarlett thotë se ishte ftuar në studio të Melbourne dhe është shërbyer me vodka dhe lemonadë. Më pas ajo pretendon se kishte filluar të ndihet e dobët dhe shikimi i ishte mjegulluar. Scarlett shtoi se më pas ajo kishte filluar të qajë dhe Justin është ulur me të për ta qetësuar.

Scarlet me tej pretendon se kur gjendja i është përkeqësuar, ka dalë nga aty dhe e ka njoftuar policinë.

Nga ana tjetër, pronari i studios Jimi Wyatt thotë se ata i kanë rishikuar pamjet e mbrëmjes dhe pretendon se gota e saj është e dukshme gjatë gjithë kohës dhe se pija e saj nuk është prekur asnjëherë.

Ndërsa Alex McDoonel, i cili e ka organizuar mbrëmjen, i ka thënë TMZ-së se vajza kishte përjetuar sulm paniku.