Këngëtarja e njohur, Leonora Jakupi para dy ditësh lansoi një këngë të re.

“Komandant” është titulli i njërës nga dy këngët e paralajmëruara të Leonora Jakupit, të cilat janë realizuar në nder të festës së Pavarësisë së Kosovës dhe Epopesë së UÇK-së, shkruan arbresh.info

Kjo këngë i është kushtuar pjesëtarëve të Ushtrisë Çlirimtare të Kosovës të cilët po mbahen në paraburgimin e Gjykatës Speciale në Hagë.

Kënga e saj nuk u prit mirë nga mediat serbe të cilat në artikujt e tyre e cilësuan si skandal.

Ndërkohë, titulli i një gazete serbe ishte:

“Skandal: Këngëtarja shqiptare vendos një kapelë me shenjën UÇK dhe këndon për nder të terroristëve”.

Kujtojmë se, Avni Qahili e ka bërë muzikën dhe e ka shkruar tekstin e këngës “Komandant”, ndërsa Ebrar Mazhar e ka bërë orkestrimin, miksimin dhe masterizimin. Për anën vizuale është kujdesur MaxProduction. /arbresh.info/