Një shkollë private në Zagreb ka provuar të bindë kroatët që të mësojnë gjuhën angleze, duke u kujtuar atyre përvojën e zonjës së parë të SHBA-ve, e cila ka lindur në Slloveni.

“Imagjinoni se sa shumë mund të arrini me pak mësim të gjuhës angleze”, shkruhej në reklamë, në të cilën ishte vendosur gjithashtu imazhi i Melania, transmeton portali arbresh.info

Avokati slloven i Trumpit ka kërkuar heqjen e reklamave, pasi sipas tij ata kanë shkelur ligjin.

“Jam e kënaqur me faktin se shkolla ka pranuar se ka shkelur ligjin dhe se ata janë shprehur të heqin reklamat”, tha Natasha Pirc-Musar për AP.

Melanie Trump ka angazhuar avokatët e saj për të mbrojtur imazhin, e cila menjëherë pas zgjedhjes së Donald Trump si president, u bë imazh i produkteve të ndryshme në Slloveni, duke përfshirë ëmbëlsia, mbathje dhe reklama turistike.

Melanie Trump, emri i vërtetë Melania Knavs, ka lindur në Slloveni. Ajo u largua nga vendi në të 20-tat e saj për të ndjekur karrierën e modelimit ndërkombëtar. Në vitin 1998, gjatë një jave të modës në Nju Jork, ajo u takua edhe me Donald Trump, i cili atëkohë ishte një ndër biznismenët më të njohur në vend./arbresh.info/