Këngëtari i mirënjohur kosovar, Alban Ramosaj i është adresuar fansave me një letër.

Me anë të kësaj letre, Ramosaj ka bërë të ditur se po largohet nga muzika, përcjell Arbresh.info.

Ky vendim i tij vjen jo shumë kohë pas publikimit të projektit të tij të fundit.

Këtë vendim aspakt të lehtë, artisti e ka lidhur me veten.

“Së fundmi jam ndeshur shpesh me sfidën e shprehjes autentike artistike. Ndikimet e jashtme kanë pushtuar ngadalë, hap pas hapi hapësirën time kreative, kështu duke fryer fort mbi fjalët e qiriut që më dha motiv. Ajo që nisi si një ëndërr, një pasion i palodhur, ajo që më shoqëronte nga agimi deri në perëndim, ndjej që pas gati dhjetë vitesh është duke u zbehur. Fusha e betejës në të cilën gjendem, ka lënë fëmijën tim të brendshëm të plagosur dhe të ndjeshëm’, shprehet ai mes tjerash.

Ndër të tjera, Ramosaj ka vendosur që këngët e tij të mos i fshijë duke i lënë të qasshme për fansat e muzikës së tij.

Megjithatë ai nuk bëri të ditur nëse po bëhet fjalë për një lamtumirë përfundimtare apo për një mirupafshim deri në takimin e radhës./Arbresh.info.

View this post on Instagram

 

A post shared by Alban Ramosaj (@albanramosaj)