Në shtëpinë e beqarëve sot ka patur shumë debate e njëri prej tyre ka qenë ai mes Musait dhe Liridonit.

Tema e debatit ka qenë orari i fjetjes, një bisedë e cila ka përfunduar në përplasje.

Musa mendon se gjithsecili duhet të vendosë vetë kur të bjerë për të fjetur e kur të zgjohet, ndërsa Liridoni e Damiano kërkojnë që ata të jenë më aktivë për të debatuar në shtëpi.

Musës i duket sikur Liridoni ja mori personale vërejtjet e tij.

“Po e more personale do të thotë që nuk e kupton. Me një njeri që nuk kupton, injorant, unë nuk diskutoj”, i thotë ai.

“Ti flet sikur je mësuesi këtu dhe unë jam nxënësi, por nuk bie dakort me ty edhe sikur ti të kesh të drejtë”, i përgjigjet Liridoni.

“Për mua je kot! Mos u bëj i zgjuar kot! Ti asnjëherë nuk i ke marrë personale dhe hiqi syzet se është mungesë edukate. Në shtëpinë time kush i heq syzet është me edukatë kush nuk i heq s’ka edukatë”, ia kthen Musa.

Nga ana tjetër Liridoni nuk e ka pranuar komentin e Musës duke u shprehur se ai nuk duhet ta ngatërrojë me të tjerë.

“Faleminderit shumë që më quajte injorant. Ti mendo çfarë të duash për mua, po unë nuk të vlerësoj më. Sesi i mbaj unë syzet, është problemi im.”

Ky debat ka bërë që në bisedë të përfshihen dhe djemtë e tjerë duke u ndarë kështu në grupe.

Damiano është shprehur se një njeri me edukatë nuk i tregon asnjëherë tjetrit injorancën./Blitz.al/