Siç mund ta keni parë edhe të qarkullojë në rrjete sociale, Arieli – djali me origjinë shqiptare i cili grimon motrat Kardashian-Jenner do të jetë në Shqipëri për të zhvilluar një klasë ‘tutorial’ për të gjithë të apasionuarit pas makeup-it.

Në një lidhje me Skype mëngjesin e sotëm, Ariel ishte i ftuar në emisionin “Wake up” me Enon, Islin dhe Orin.

Ariel u shpreh se është mjaft i lumtur që do të vijë sërish në Shqipëri pasi ka qenë edhe dy herë të tjera dhe atij i pëlqen shumë ushqimi këtu. Gjithashtu Ariel zbuloi se jeton në të njëjtën shtëpi me Anxhelina Hadërgjonaj, vajzën e Albërie Hadërgjonajt, që prej vitesh tashmë jeton në SHBA.

Sa i përket familjes Kardashian-Jenner, Ariel zbuloi se ndihet mjaft mirë pranë tyre, pasi ato janë vajza që punojnë shumë dhe ja bëjnë qejfin vetes prej kësaj pune të madhe që bëjnë, e cila ju jep edhe luksin të ndihen mirë me veten dhe të tjerët.