Siç duket albumi i paparalajmëruar  i  Eminem “Kamikaze” ka nxitur reagime të shumta nga reper të ndryshëm.

Por, pas diss-it që i bëri reperi i ri në moshë Machine Gun Kelly Eminem nuk po heq dorë nga ngacmimi i vazhdueshëm ndaj tij.

Reperi i famshëm Eminem të premten e ka publikuar një tjetër këngë që është ‘diss’ ndaj Kellyt me titull “Killshot”.

Madje edhe pjesa artistike e këngës përmban fotografinë e Richard Baker (emri i vërtetë i Machine Gun Kelly) në formë shënjestre.

Në këngë e re, Eminem flet haptas edhe për zënkën që e kanë pasur dy reperët në javët e fundit.

Marshall Mathers thotë se është 45 vjeçar, por vazhdon të jetë më i mirë se rivali i tij, ndërkohë që ofendimet janë të njëpasnjëshme.

Ai zuri vendin e parë në ‘Billboard 200’ me albumin më të ri, ndërsa në këngët e reja, ai u adresohet kritikëve dhe rivalëve të tij, njëri nga ta është Machine Gun Kelly.