Reperi i popullarizuar i skenës shqiptare, Capital T, të premten (13 nëntor) njoftoi se do të lansojë këngën e re dedikuar nënës së tij.

“Fjalët e nënës” mban titullin projekti i ri, për të cilin është duke punuar që një kohë të gjatë dhe duke realizuar një videoklip të veçantë.

Para lansimit të këngës së re, Trim Ademi (emri i vërtetë) solli një fotografi në rrjetet sociale, përmes të cilës bën një dedikim për nënën e tij.

“Ekziston një butësi në dashurinë e një nëne ndaj një djali që tejkalon të gjitha afektet e tjera të zemrës. Të dua nënë përgjithmonë”, ishin fjalët e tij.

Reagimet kanë qenë të shumta lidhur me postimin e artistit të njohur, marrë parasysh se prindërit janë pjesë e pandashme dhe më e rëndësishme e çdokujt.

“Fjalët e nënës” përndryshe është pjesë e albumit të ri të Capital T, pjesa e dytë e të cilit u publikua e plotë më 1 tetor.