Ulliri është një produkt mjaft popullor të cilin njerëzit e kanë përdorur për shekuj me radhë, jo vetëm në tryezat e tyre por edhe për të kuruar sëmundje.

Tashmë ulliri njihet edhe për përdorimin e tij në industrinë e kozmetikës.

Vaji i ullirit është mjaft i pasur me vitamina minerale e natyrale. Ai gjithashtu ndihmon rigjenerimin e fytyrave të ndjeshme. Vaji i ullirit është një përbërës i pasur me antioksidant, i cili i jep lëkurës suaj vitamina, shkëlqim, butësi dhe mbrojtje.

Ja se si mund ta mbroni lëkurën tuaj duke përdorur vaj ulliri:

Vaskë me vaj ulliri

Aktorja e famshme Sophia Loren ka bërë publike në një intervistë sekretin e saj të bukurisë dhe një prej tyre është banja me vaj ulliri.

Vaj ulliri para dushit

Lyejini trupin tuaj me vaj ulliri para dushit. Aplikojeni atë mirë në të gjithë pjesët e trupit, mbajeni për rreth 10-15 minuta dhe më pas bëni dush. Pas tij do vini re se trupi juaj do jetë i lëmuar e i butë.

Vaj ulliri për të hequr grimin

Mos përdorni çdo produkt që shihni për të hequr grimin. Vaji i ullirit jo vetëm që është efikas, por edhe bio, që ndikon në një lëkurë të pastër e të butë.

Forconi thonjtë me vaj ulliri

Nëse herë pas here lyeni thonjtë tuaj me vaj ulliri, sapo keni zbuluar një mënyrë natyrale për t’i forcuar ato.

Vaj ulliri në vend të kremit të syve

Ju mund ta përdorni vajin e ullirit gjithashtu në vend të kremit të syve. Lyeni sytë tuaj para se të bini në shtrat me vaj ulliri rreth e përqark, apo edhe në mëngjes. Do i ndjeni ato më pak të lodhur.

Vaj ulliri për maskë fytyre

Vendosni një masë të caktuar vaji ulliri në frigorifer. Kur të dëshironi të aplikoni një maskë fytyre, aplikoni vaj ulliri të miksuar me një vezë dhe pak lëng limoni nëse keni fytyrë të yndyrshme. Tretini mirë përbërësit dhe aplikojeni në fytyrë për 5 ose 10 minuta. Më pas shpëlajeni fytyrën me ujë të ftohtë.

Vaj ulliri për flokë të shëndetshëm

Do iu marrë vetëm 15 minuta kohë. Aplikoni përpara se të lani flokët tuaj në rrënjë, me vezë dhe vaj ulliri.