Tom Hanks ka bërë një lloj dhurimi të veçantë.

Aktori në një postim të mërkurën në Instagram duket se po dhuron plazmën për të ndihmuar në luftën kundër COVID-19, shkruan CNN, transmeton lajmi.net.

Plazma që rrjedh nga gjaku tek njerëzit, si Hanks, i cili është shëruar me sukses nga virusi, mund të përmbajnë antitrupa që mund të ndihmojnë potencialisht të tjerët që luftojnë sëmundjen.

Muajin e kaluar ai ndau një foto të ngjashme, pas asaj që dukej se ishte hera e tij e parë që dhuronte plazma.

Hanks dhe gruaja e tij, Rita Wilson, u shtruan në spital në Queensland, Australi në fillim të marsit pasi u diagnostikuan me koronavirus.

Hanks tha në një intervistë me NPR muajin e kaluar se çifti shpresonin se plazma e tyre mund të ishte e dobishme në studimin e trajtimit COVID-19.

“Rita kaloi një kohë më të vështirë sesa unë”, ka thënë Hanks për përvojën e tyre me sëmundjen.

Ai tha se Rita kishte ethe dhe simptoma të tjera, duke humbur edhe sensin e shijes dhe erës.

https://www.instagram.com/p/CAswDV6JBd3/?utm_source=ig_embed