Edhe pse e dobishme, soda bikarboni nuk është e përshtatshme për përdorim shumë të shpeshtë, veçanërisht te personat me zmalt të ndjeshëm të dhëmbëve, plagë që gjakosen në gojë, si dhe probleme me mishrat e dhëmbëve që kërkojnë trajtim të veçantë

Sodë bikarboni është një përbërës i thjeshtë, por shumëpërdorimësh, i cili prej dekadash përdoret për qëllime shëndetësore dhe higjienike. Ajo është veçanërisht e dobishme në kujdesin oral, falë vetive të saj antibakteriale dhe antiinflamatore.

1. Sodë bikarboni si aleate natyrale kundër afteve

Aftet janë plagë të vogla dhe të dhimbshme në gojë që shfaqen për shkak të infeksioneve, dhe jo domosdoshmërisht nga rënia e imunitetit, siç besohet shpesh. Sipas hulumtimit, soda e bikarbonit ndihmon në lehtësimin e dhimbjes dhe përshpejtimin e shërimit të tyre, duke ndikuar në nivelin e pH-së në gojë.

Si përdoret?

Gjysmë luge çaji sodë bikarboni tretet në gjysmë gote ujë të vakët. Sipas dëshirës mund të shtohen disa pika lëng limoni ose ndonjë vaj esencial. Bëhet shpëlarja e gojës disa herë në ditë, duke mbajtur lëngun në gojë për pak kohë para se të pështyhet, transmeton Telegrafi.

2. Shpëlarës goje me sodë bikarboni

Sodë bikarboni mund të jetë një alternativë e mirë për shpëlarësit e blerë, sidomos nëse doni të shmangni substanca si parabenet ose alkoolin. Ky variant natyral ndihmon në:

▪ freskimin e frymëmarrjes
▪ largimin e mbetjeve të ushqimit nga zonat e vështira
▪ luftimin e baktereve në gjuhë, mishra dhe midis dhëmbëve
▪ neutralizimin e erërave dhe aciditetit në gojë.

Receta për përdorim është e njëjtë si për aftet. Megjithëse disa studime nuk kanë konfirmuar reduktim të ndjeshëm të baktereve, përdoruesit raportojnë ndjesi më të freskët dhe përmirësim subjektiv të shëndetit oral.

3. Zbardhje natyrale e dhëmbëve

Sodë bikarboni njihet si një abraziv i lehtë që mund të largojë njollat sipërfaqësore nga dhëmbët. Me përdorim të kujdesshëm dhe të rregullt, ndihmon në:

▪ eliminimin e pllakës dentare dhe gurëzve
▪ zbardhjen e dhëmbëve
▪ parandalimin e përhapjes së baktereve dhe kërpudhave.

Si përdoret?

Vendosni pak sodë bikarboni mbi furçën e dhëmbëve dhe pastroni butësisht dhëmbët, mishrat dhe gjuhën. Kjo metodë nuk duhet përdorur çdo ditë 1-2 herë në javë është e mjaftueshme.

Nëse keni pasur infeksione kërpudhore si kandida, sigurohuni të ndërroni furçën pas trajtimit.

Kush nuk duhet ta përdorë sodën e bikarbonit për kujdesin oral?

Edhe pse e dobishme, soda bikarboni nuk rekomandohet për përdorim të shpeshtë, sidomos për persona me:

▪ zmalt të ndjeshëm të dhëmbëve
▪ plagë në gojë që gjakosen
▪ sëmundje të mishrave të dhëmbëve që kërkojnë trajtim mjekësor.

Gjithashtu, nuk duhet të përdoret si zëvendësim për pastën e dhëmbëve, por si shtesë herë pas here.

Pse soda bikarboni nuk është vetëm për kuzhinë

Përveç përdorimit në higjienën orale, soda e bikarbonit ka përdorim të gjerë edhe në kujdesin ndaj lëkurës. Sipas përvojave, ajo:

▪ qetëson djegiet nga dielli
▪ lehtëson pickimet e insekteve
▪ ndihmon te lëkura e irrituar.

Gjithashtu, përdoret edhe për urthin, por me shumë kujdes dhe jo shpesh, sepse mund të shkaktojë efekte të padëshiruara. /Telegrafi/