Studiuesit e Universitetit Calgary janë të parët që zbulojnë një popullsi qelizash të paidentifikuara në lëngun perikardial që ndodhet brenda qeskës rreth zemrës.

Zbulimi mund të çojë në trajtime të reja për pacientët me zemër të lënduar. Studimi i udhëhequr nga Drs. Paul Kubes, PhD, Justin Deniset, PhD dhe Paul Fedak, MD, PhD është botuar në revistën ‘Immunity’, transmeton lajmi.net.

Laboratori i Kubes, në bashkëpunim me punonjësin laboratorik Fedak, zbuloi se një qelizë specifike, ndihmon në shërimin e një zemre të dëmtuar në minj. Qeliza u zbulua në lëngun perikardial (qeskë rreth zemrës) të një miu me zemër të lënduar.

Fedak, një kirurg kardio dhe drejtor në hyrje të Institutit kardiovaskular Libin të Alberta, pa se qelizat e njëjta gjendeshin edhe brenda perikardit njerëzor të njerëzve me zemra të lënduar, duke konfirmuar se qelizat riparuese ofrojnë premtimin e një terapie të re për pacientët me sëmundje zemre.

Mjekët e zemrës nuk e kishin menduar kurrë më parë mundësinë që qelizat jashtë zemrës të merrnin pjesë në shërimin dhe riparimin e zemrave pas dëmtimit. Ndryshe nga organet e tjera, zemra ka një kapacitet shumë të kufizuar për të riparuar vetën.

“Zbulimi ynë i një qelize të re që mund të ndihmojë në shërimin e muskujve të dëmtuar të zemrës do të hapë derën për terapitë e reja dhe shpresë për miliona njerëz që vuajnë nga sëmundjet e zemrës”, tha Fedak.