Qendra Klinike Universitare është detyruar të bëjë zgjatjen dhe ndryshimin e kritereve të dosjes së tenderit për servisimin dhe mirëmbajtjen e autoklavave getinge.

Kështu rekomandoi OSHP-ja pas ankesës së operatorit teknik NTP “Medica” se autoriteti kontraktues QKUK-ja ka bërë shkelje, duke mos trajtuar të gjithë operatorët në mënyrë të barabartë, raporton KTV.

Mirëmbajtjen e këtyre pajisjeve për sterilizim më herët e kishte kryer vetë QKUK-ja. Drejtori ekzekutiv i QKUK-së ka thënë se do të respektohet vendimi i OSHP-së, derisa nga zyra e prokurimit bëjnë me dije se tenderi do të shpallet brenda kësaj jave me ndryshimet e kërkuara.

Mirëmbajtja e këtyre pajisjeve më herët QKUK-së i kishte kushtuar rreth 50 mijë euro, por vlera e tenderit tani kap shifrën prej 120 mijë eurosh, transmeton Koha.net.

Burime të KTV-së brenda QKUK-së bëjnë me dije se vetëm vitin e kaluar janë blerë shumë pajisje të tilla, të cilat tani po qëndrojnë të mbyllura në depo, pasi për të njëjtat është shpallur ky tender.