Një sondazh i kryer në Britani të Madhe ka gjetur se lumturia dhe kënaqësia në jetën e përditshme kanë rënë dukshëm, që kur pandemia ka prekur vendin.

Sipas sondazhit të kryer nga Zyra Shtetërore e Statistikave në Britani të Madhe ka theksuar se britanikët janë duke e vuajtur shumë izolimin, sidomos izolimin e tretë në të cilin ka hyrë vendi, transmeton portali arbresh.info

Rreth 42 përqind e të të rriturve janë shprehur se jetojnë me ankth që nga prilli i vitit të kaluar.

Njerëzit e anketuar midis 7 dhe 10 janar thanë se ishin më pak të lumtur, më pak të kënaqur me jetën e tyre në përgjithësi dhe kishin më pak të ngjarë të mendonin se gjërat që po bëjnë janë të vlefshme.

Sondazhi zbuloi se 56% thanë se mirëqenia e tyre ishte prekur nga pandemia, dhe 27% thanë se ndiheshin të vetmuar, shkruan skynews.

Tim Wizard, autor i sondazhit ka theksuar se njerëzit janë duke qëndruar më shumë në shtëpi gjatë izolimit të tretë.

“Ne jemi duke parë një nivel të lartë të pajtueshmërisë së njerëzve me masat e marra, përfshirë mbajtja e maskës dhe distancimi shoqëror. Megjithatë, jemi duke parë gjithashtu nivel të lartë të ankthit, që vjen e po rritet”, tha ai.

Britania e Madhe është prekur rëndë nga vala e dytë e pandemisë, sidomos pas shfaqjes së llojit të ri të koronavirusit, gjë që bëri që vendi të izolohej edhe nga vendet fqinje për shkak të anulimit të fluturimeve./arbresh.info/