Mjekët kanë paralajmëruar për një simptomë të pazakontë e cila po konsiderohet si “shenjë paralajmëruese e urgjencëes” për infektimin me Omicron.

Varianti Omicron është lloji më dominues i koronavirusit në Europë, i cili po përhapet me shpejtësi të madhe, transmeton portal arbresh.info

Varianti besohet të jetë më i vështirë për t’u diagnostikuar pasi shumë nga simptomat e virusit mbivendosen me sëmundje sezonale si gripi ose ftohja e zakonshme, duke e bërë Omicron më të vështirë për t’u identifikuar.

Përveç simptomave të zakonshme të koronavirusit si kollë e vazhdueshme, ethe dhe humbje të shijes dhe nuhatjes, ka edhe lodhje, dhimbje muskujsh ose trupi, dhimbje koke dhe rrjedhje hundësh.

Tani, Qendra amerikane për Kontrollin dhe Parandalimin e Sëmundjeve ka zbuluar se një shenjë tjetër që identifikon infektimin me Omicron është edhe konfuzioni, shkruan The Sun.

Edhe pse shumë raporte sugjerojnë se varianti është “më i butë” se lloji Delta, mjekët rekomandojnë marrjen e ndihmës “menjëherë” nëse ju ose dikush në familjen tuaj duket se jeni konfuz ndërsa vuani nga virusi.

Në studimet e mëparshme është treguar se simptoma tjera të variantit Omicron janë edhe humbja e flokëve dhe skuqja e syve./arbresh.info/