ADN-ja është ndryshuar për herë të parë në një embrion njerëzor, nga disa shkencëtarë në Britani.

Ekipi nga Instituti Francis Crick, janë duke shpalosur misterin e momenteve të para të jetës.

Kuptimi i asaj se çfarë ndodh pasi spermatozoidi fertilizon vezën, mund të hap rrugë për përmirësimin e teknikave të IVF si dhe mund të ofroj shpjegim pse disa gra përjetojnë abort spontan.

Shkencëtaret janë duke eksploruar disa nga transformimet befasuese.

Të gjithë kemi ardhur nga një vezë e vetme e fertilizuar në një qenie njerëzore, të ndërtuar nga inde të ndryshme, duke filluar nga ato të eshtrave e deri tek ato që ju mundësojnë të lexoni këtë artikull.

Hapat e parë të këtij udhëtimi janë kritik dhe pak të njohur.

Ndërhyrja në AND u ka mundësuar ekipit të studiuesve që të “shuajnë” një gjen, i cili dyshohet të ketë rëndësi të madhe.

Përmes teknikes Crispr-Cas9, në mesin e miliarda kodeve gjenetike, ata kanë shënjestruar ADN-në dhe kanë ndaluar punën e këtij gjeni.

Me shumë gjasë nuk keni dëgjuar për të, mirëpo gjeni OCT4, është qenësor në zhvillimet e hershme.

Edhe pse ende nuk është plotësisht i kuptueshëm, mund të themi që ka rolin e një gjenerali të ushtrisë, që jep komandë për të mbajtur zhvillimin në rrugën e duhur.

Pas këtij eksperimenti, shkencëtaret kanë përcjellë zhvillimin e embrioneve pa OCT4, për shtatë ditë.