Fëmijët të cilët që në hapat e parë të tyre drejt mësimnxënies hasin në vështirësi në të lexuar e të shkruar, mund të kenë telashe në të dëgjuar.

Kështu kanë zbuluar shkencëtarët, në Universitetin e Coventry, ku kanë gjetur se 25 për qind e pjesëmarrësve në mes moshës tetë dhe dhjetë vjeç kanë shfaqur vështirësi në të dëgjuar, e të cilat nuk janë vërejtur as nga prindërit as nga mësuesit, shkruan The Telegraph, përcjell Klan Kosova.

Në këtë studim kanë marrë pjesë 196 të rinj, të cilët nuk kanë qenë të diagnostifukuar me probleme në të dëgjuar, derisa një e treta e tyre kanë pasur probleme me infeksione në vesh, në të lexuar dhe në të shkruar.

Ky problem sipas studiuesve, ju pamundëson fëmijëve që të dëgjojnë fjalët dhe tingujt ashtu siç janë prandaj edhe hasin në vështirësi kur vjen puna t’i shkruajnë apo përsërisin ato.