Bie niveli i lindjeve të adoleshenteve, gratë duan fëmijë nga mosha 30 vjeçare

14:50 | 1 Qershor 2017
Arbresh.info

Nivelet e lindjeve të adoleshentëve kanë shënuar një rënie të plotë në Amerikë, tregojnë shifrat e reja të CDC.

Që nga viti 2014, ka pasur vetëm 24 lindje për 1,000 vajza nën moshën 19 vjeçare, duke rënë me 10 për qind në vetëm një vit, sipas një raporti të ri nga agjencia qeveritare, njofton Klan Kosova.

Kjo është gjysma e normës së regjistruar në vitin 2007, dhe një e treta e kursit në vitin 1991.

Megjithatë, niveli i lindjeve u rrit me 1 përqind midis 2013 dhe 2014.

Studiuesit e CDC thanë se kjo mund të shpjegohej pjesërisht nga niveli i rritjes së nënave mbi 30 vjeçe, që tani përbëjnë një të tretën e lindjeve totale.

Po ashtu sipas hulumtimeve, ky rezultat vie pasi shumë gra tashmë po marrin vendim që shtatzënitë e tyre të para t’i realizojnë nga mosha 30 vjeçare.