Ish-kryeministri dhe kryetar i LSDM-së Zoran Zaev, në një intervistë për Alsat ka folur rreth zgjedhjeve të parakohshme parlamentare, të cilat ishin planifikuar për më 12 prill.

Ai tha se për mbajtjen e zgjedhjeve ka kohë mjaftueshëm, duke theksuar se në këtë kohë më e rëndësishme është shëndeti i qytetarëve.

“Të gjitha sondazhet e kryera në shkurt, para fillimit të krizës me virusin, treguan se LSDM së bashku me koalicionin udhëheqin 4-5% përpara opozitës. Edhe nëse mbaheshin zgjedhjet më 12 prill, analizat tregojnë se ne i fitojmë zgjedhjet. Por tani nuk asgjë më të rëndësishme sesa shëndeti i qytetarit dhe rikuperimi i pasojave ekonomike, kështu që data e zgjedhjeve do të vendoset pas krizës”, tha Zaev.

Ai shtoi se çdo kalkulim me data do të jetë gabim, ndërsa tha se edhe fushata do të jetë ndryshe.