Kreu i Kuvendit, Talat Xhaferi planifikon që në ditën e parafundit të kësaj përbërje kuvendare, apo më 11 shkrut, të mbahet dita e parafundit e punës së kësaj përbërje kuvendare ku i vetmi rend ditë do të jetë ratifikimi i Protokollit për anëtarësim të Maqedonisë së Veriut në NATO.

Xhaferi në deklaratë për ‘360’ gradë, thotë se ditën e ardhshme do të mbahet seancë për shpërndarjen e Kuvendit dhe kështu do të mbesin 60 ditë deri në mbajtjen e zgjedhjeve kuvendare më 12 prill, përcjell telegrafi maqedoni.

“Deri më 11 nuk përjashtohet mundësia që procedura e ratifikimit të përfundojë në Spanjë. Si do që të jetë, planifikoj më 11 janar të caktojë seancë të veçantë që Kuvendi të votojë Protokollin. Ditën e ardhshme do të mbahet seanca e shpërndarjes së Kuvendit”, thotë Xhaferi.

Xhaferi shton se më 12 shkurt, do të mund t’i shpallë zgjedhjet me çka edhe nisin të skadojnë afatet për zbatimin e zgjedhjeve, në pajtim me Kodin Zgjedhor dhe afatet që duhet të sjell KSHZ.