Ndihmës Sekretari Amerikan i Shtetit, Brendan Hanrahan, zhvilloi një takim me presidentin e Serbisë, Aleksandar Vuçiq, gjatë qëndrimit të tij në Beograd, përpara se të vazhdojë vizitën në Kosovë.

Sipas njoftimit të Presidencës serbe, gjatë takimit u diskutuan çështje globale, marrëdhëniet mes Serbisë dhe Shteteve të Bashkuara të Amerikës, si dhe zhvillimet aktuale në Ballkanin Perëndimor.

Presidenti Vuçiq theksoi se dialogu mbetet rruga e vetme për adresimin e çështjeve të pazgjidhura dhe për respektimin e të drejtës ndërkombëtare.

“Vëra në dukje se Serbia mbetet e vendosur fort për ruajtjen e paqes dhe stabilitetit, për dialogun që e shohim si të vetmen mënyrë për zgjidhjen e çështjeve të hapura dhe për respektimin e së drejtës ndërkombëtare,” thuhet në deklaratën e Vuçiqit./Arbresh.info