Një aksident tragjik u mori sot jetën dy shqiptarëve në Greqi.

Ngjarja e rëndë ndodhi në të gdhirë të ditës së sotme, rreth orës 6, në autostradën që lidh zonën Kifisu me Pireun.

Shkak i aksidentit është bërë ky trajler i drejtuar nga një grek, i cili siç tregojnë pamjet e kamerave të sigurisë, ka humbur kontrollin duke u përplasur me trafikndarësin e më pas me dy automjetet që drejtoheshin nga shqiptarët.

Policia nuk ka bërë ene të ditur identitetin e viktimave, por sqaroi se ata janë të moshave 60 dhe 65. Në gjendje të rëndë ndërkohë ndodhet edhe vajza e një prej shqiptarëve që humbi jetën.

Nga hetimet e para të policisë rezulton se shoferi grek 64 vjeçar ishte nën efektin e alkoolit kur ndodhi aksidenti. Ai është arrestuar dhe është marrë në pyetje nga policia.