Informatat e sigurisë dhe analizat e momentit tregojnë se nuk ekziston rrezik nga një shteg i ri migrantëve e është quajtura “Shtegu Ballkanik”.

Mirëpo, si do që të jetë gjendja në terren dhe nëse kriza e migrantëve fillon me intensitet Maqedonia është e përgatitur në çdo çast për reagim, deklaroi ministri për Punë të Brendshme, Oliver Spasovski sot në Ohër, ku po merr pjesë në Kuvendin e Përgjithshëm të shefave nga Evropa Juglindore, citon Telegrafi Maqedoni.

Duke u përgjigjur në pyetjet e gazetarëve për mundësin e përsëritjes së shtegut të refugjatëve duke marrë parasysh gjendjen aktuale në Lindjen e Mesme dhe marrëdhëniet e BE-së me Turqin, Spasovski theksoi se policia e Maqedonisë kufirin jugor e mbron së bashku me shumë policë tjerë nga shtetet tjera të rajonit dhe BE-së.

Spasovski theksoi se Republika e Maqedonisë edhe pse nuk është anëtare e BE-së i mbron kufijtë e jashtme të Evropës, ndërsa duke përfshirë marrëveshjen me “Frontex” do të ketë ndihmë të drejtpërdrejt nga Bashkimi Evropian në sigurimin e kufijve jugor nga një shteg i mundshëm i migrantëve. /telegrafi