Kuvendi i Maqedonisë me 73 vota “për ” miratoi vendimin për shpërbërje. Sipas asaj që propozuan sot partnerët e koalicionit qeveritar VMRO-DPMNE dhe BDI përbërja aktuale parlamentare do të vazhdojë me punë deri më 24 shkurt, kur edhe hyn në fuqi vendimi për shpërbërje të Kuvendit.

Po sot Kuvendi konstatoi dorëheqjen e Kryeministrit Nikolla Gruesvki nga funksioni kryeministër i Maqedonisë.

Ndërsa presidenti i Maqedonisë George Ivanov ia dha mandatin për formimin e qeverisë së re teknike, sekretarit të përgjithshëm të VMRO-DPMNE, Emil Dimitrievit i cili sonte në ora 22:00 do të ketë paraqitje para deputetëve.

Pas ekspozesë së tij pritet edhe votimi i deputetëve pas çka do të marrë besimin për udhëheqjen e qeverisë deri në zgjedhjet e ardhshme parlamentare që pritet të mbahen më 24 prill./Alsat-M/