Shesheli paranojak: Shqiptarët janë duke planifikuar sulm ndaj serbëve në veri të Kosovës

14:30 | 2 Shkurt 2017
Trina Galanxhi

Lideri i Partisë Radikale në Serbi, Vojislav Sheshel, tha se ka informacion që shqiptarët janë duke planifikuar ‘sulm me armë gjatë ditëve të ardhshme në veri të Kosovës”.

“Serbët duhet të jenë të përgatitut për të mbrojtur vetën nga sulmi i armatosur i papritur. Serbër nuk provokojnë, nuk duan incidente, por nëse dikush i sulmon vëllezërit tanë në Kosovë, Serbia nuk do të rrijë duarkryq”, tha ai në një konferencë për shtyp, shkruajnë mediat serbe, transmeton portali arbresh.info.

Ai shtoi se Serbia duhet të bëjë gjithçka që ka në dorën e saj për të mbrojtur serbët në Kosovë.

Sheshel tha se ai ka paraqitur informacionin e tij në mënyrë që të parandalojë shqiptarët, por edhe për të nxitur autoritetet serbe për të reaguar dhe për të mbrojtur serbët./Arbresh.info