Në emisionin “10 Minuta” të TV 21, kryetari i Lëvizjes për Reforma në PDSH Zijadin Sela vlerësoi se mosrealizimi Marrëveshjes së Përzhinos brenda afateve ndodh sepse në negociata janë të përfshirë njerëz, të cilët janë personalisht të zhytur në krim.

“Flitet për njerëz që janë zhytur thellë në krim, me pak përjashtime, gati gjithë të cilët që janë pjesë e bisedimeve nga faktori i brendshëm janë njerëz, të cilët në bisedime janë jo për të mirën e shoqërisë, jo për të mirën e popullit të cilin duhet ta përfaqësojnë, po janë për të ruajtur dhe për të shpëtuar kokën e tyre dhe kur ke të bësh me njerëz të këtillë, me politikanë të këtillë, lider të këtillë, ato marrëveshje janë të destinuara që të mos jenë funksionale dhe të zgjaten afate dhe marrëveshjet siç kemi parë deri tani bëhen vetëm nën presion të faktorit ndërkombëtar të botës demokratike perëndimore”, theksoi Sela.

Sela nuk mban shpresë as në proceset gjyqësore që duhet të hapen për përgjimet, ngase sistemi i drejtësisë, siç thotë ai, është pre e partizimit dhe nepotizmit, që duhet të ndryshojë.