Nga LSDM dhe BDI konfirmojnë se ka përparim në bisedimet për arritjen e koalicionit

23:41 | 13 Gusht 2020
Arbresh.info

Ka bazë të mirë për përparim në negociatat ndërmjet LSDM-së dhe BDI-së.

Mbaroi takimi i punës midis kryetarëve të LSDM-së dhe BDI-së, Zoran Zaev dhe Ali Ahmeti dhe sekretarëve të përgjithshëm të partive Ljupço Nikollovski dhe Artan Grubi.

Në deklaratën e përbashkët nga të dyja palët thuhet se takimi ishte produktiv dhe vendosi bazën për përparimin që çon në një marrëveshje koalicioni.

“Takimi tre-orësh konstruktiv dhe prodhues hodhi bazat për përparimin që çon në një marrëveshje koalicioni për një qeveri të re, evropiane të përkushtuar për integrimin evropian, ekonominë, barazinë dhe sundimin e ligjit. Bisedimet midis dy partive do të vazhdojnë gjatë fundjavës në nivelin e sekretarëve të përgjithshëm”, thonë nga LSDM dhe BDI.

Takimi u zhvillua pas dhënies së mandatit Zaevit. Ai tani ka 20 ditë për të formuar shumicën parlamentare.