Kumanovë: Shtëpia e të arrestuarit Ajdini nuk vlerësohet nga Komisioni

17:33 | 27 Qershor 2015
M. A.

Lagjja e Trimave po vazhdon t’i kthehet normalitetit, por familja e të arrestuarit Besnik Ajdini nuk po gjen shpresë për rimëkëmbje.

Dhimbjet e tyre janë shtuar edhe më tepër kur janë injoruar nga Komisioni për verifikimin e dëmeve, pasi shtëpia e tyre nuk është vlerësuar.

Bashkëshortja e Besnikut, Luljeta dyshon se Komisioni me qëllim nuk ka bërë vlerësimin e dëmit në shtëpinë e tyre, njofton AlsatM.

“Nuk e kanë vlerësuar shtëpinë”.

“Kanë ardhur njerëz dhe na kanë vizituar, mirëpo me pyet se a kanë vlerësuar diçka, nuk kanë pyetur. Kjo nuk ka mbetur për të jetuar, por nga zori do të qëndrojmë”.

“Shkaku se burri në burg, për atë nuk e kanë vlerësuar. Ata vetë na e bënë dëmin, vetë e morën Besnikun, gjithçka tjetër bëjnë si donë vetë”, tha Luljeta Ajdini, Bashkëshortja e Besnik Ajdinit.