Kjo ishte atmosfera në përcaktimin e rendit të ditës në seancën e sotme të këshillit të komunës së Tetovës. Mospajtimet konsistuan në pakënaqësin e këshilltarëve në radhët e VMRO-DPMN-ës dhe PDSH-së të cilët shprehen mospajtime për përcaktimin e rendit të ditës.

“Si Koordinator i grupit të këshillit të VMRO DPMNE-së pesë minuta para se të fillojë mbledhja jepet vendim i ri i ditës, as që dikush është njoftuar për këtë , por as edhe unë si koordinator nuk jam i njoftuar për ndryshime e rendit të ditës dhe jap përkrahje koordinatorit të PDSH-së për vërejtjen e tij. Kjo nuk është hera e parë që kabineti i Komunës së Tetovës të reagojë në mënyrë të këtillë. Mendoj që ju si kryesi e këshillit komunal duhet të na mbroni.” –shprehet Goran Jovanovski – VMRO-DPMNE.

Pas debateve polemituese mes këshilltarëve, dhe një pauze të shkurtër, grupi i këshilltarëve të VMRO-së demonstrativisht braktisi seancën.

“Ju nuk dhatë ndonjë përgjigje dhe nuk e vendosët në votim propozimin tim si koordinator i grupit të këshillit. Për këtë shkak të revoltës të grupit të Këshillit të VMRO DPMNE-së nuk do të marrë pjesë deri në fund të kësaj seance.” – shprehet Goran Janovski, VMRO-DPMNE.

I pyetur nga Tv Art se mos vallë këto fërkime mes BDI-së dhe VMRO-DPMN-së e vënë në pikëpyetje koalicionin ndërmjet këtyre dy partive, kryesuesi i këshillit komunal Hisen Xhemaili u shpreh se fërkimet ekzistojnë, por nuk do të thotë se koalicioni është në pikëpyetje.

Jo zyrtarisht mësohet se arsye për përplasjet e sotme janë disa zgjidhje kadrovike në nivel të komunës, sidomos në arsim, me të cilat këshilltarët e VMRO-DPMN-së nuk janë të kënaqur.Sidoqoftë edhe pa praninë e tyre këshillli vazhdoi seancën duke miratuar një sërë vendimesh.