Udhëheqësi i sektorit për punë ekonomike dhe bashkëpunim ndërkufitar në Delegacionin e BE-së në Shkup, Frek Janmaat, sot deklaroi se Maqedonia e Veriut do të merr datë në muajin tetor, për të nisur negociatat për anëtarësim në BE.

Ai thotë se për kët duhet të pritet deri në tetor, por u shpreh i bindur se kjo do të ndodh. Janmaat këto deklarata i bëri në diskutimin e sotëm dedikuar projektit për qasje të barabartë për drejtësi efektive, përcjell Telegrafi Maqedoni.

“Ky projekt vjen në një moment të mirë para vendimit të BE-së në muajin tetor. Në kuadër të tij janë përfshirë qeverisja e të drejtës dhe mjedisit jetësor. Qeverisja e të drejtës është kapitulli i parë i cili hapet, ndërsa mjedisi jetësor është më i madh me numër më të madh të ligjeve të cilat legjislacioni maqedonas duhet t’i miratojë me legjislacionin evropian”.

“Projekti vjen në dritë të vendimit për fillimin e negociatave. Jam i lumtur që BE-ja mund ta mbështesë këtë projekt për drejtësi efektive, të zbatuar nga Florazom dhe Asociacioni për të drejtë ekologjike dhe menaxhment nga Hungaria”, theksoi Janmaat./Telegrafi/