Edhe një skandal po e dridh Maqodoninë, pas publikimit të emrave që do ta përbëjnë listën e prokurorëve të prokurorisë special të propozuara nga prokurorja Katica Janeva. Zhurnal mëson se disa nga prokurorët shqiptarë dhe maqedonas u zgjodhën me aminin e kryeministrit Nikolla Gruevski dhe prokurorit publik Marko Zvrlevski.

Këta prokurore, deri para emërimit bombat e Zaevit i trajtonin si gënjeshtra dhe pa mbulesë të asnjë akti akuzuese, dhe tash të njëjtit do të duhet të merren me zbardhjen e këtij rasti dhe të sjellin vendime kundër kryeministrit Nikolla Gruevski dhe të afërmit e tij politik, Mile Janakievski, Gordana Jankullovska, Nikola Todorov dhe të tjerë

Zhurnal mëson se këto prokurorë janë të shpërblyer nga ana e VMRO-së, pasi që ngadalësuan procesimin e aferës së përgjimeve, dhe tash, të njëjtit prokurorë në ekipin e Katica Janevës do ti bëjnë të njejtat obstruksione. Me një fjalë kriminaliteti dhe korupsioni i funksionerëve të Gruevskit asnjëherë nuk do të gjykohet.

Skandali bëhet akoma më i madh nga fakti se prokurorja Fatime Fetai nga Gostivari, është drejtpëdrejt e emëruar nga Marko Zvlevski. Arjan Ajo, prokuror nga Struga është propozim i profesor Vlado Popovskit, Trajce Pelivanoc është propozim i Zvlevskit dhe Gruevskit, kurse Darko Jakimovski nga Kriva Pallanka është drejtpërdrejt i propoziar ga VMRO – DPMNE, ngase babai i tij ishte kryeprokuror me propozim të partisë së Gruevskit.

Kjo situatë e nxehtë po ndiqet nga ambasadorët e huaj të akredituar në Shkup, Xhejm Bejli dhe Aivo Orav.