Armata e Maqedonisë së Veriut me ndihmë shtesë për Turqinë, dërgon edhe 36 pjesëtarë të trajnuar

14:12 | 9 Shkurt 2023
A. B.

Armata e Maqedonisë së Veriut njofton se edhe 36 pjesëtarë të Armatës, anëtarë të batalionit të specializuar për kërkim-shpëtim janë nisur sot drejt Turqisë nga kazerma “Ilinden”.

“Ekipi i ushtrisë shkon pas vendimit të Qeverisë për dërgimin e ndihmës shtesë, me propozim të Ministrisë së Mbrojtjes. Ndërkohë, ekipi i ushtrisë, i cili ndodhet në qytetin e Kahramanmarash, është angazhuar në vazhdimësi në kërkimet në terren, për gjetjen dhe nxjerrjen e të mbijetuarve të mundshëm, të cilët ndodhen në rrënojat e shkaktuara nga tërmetet katastrofike”, thonë nga Armata.

Më tej shtojnë se gjatë përcjelljes së tyre, nga ana e shefit të shtabit gjeneral Vasko Gjurçinovski, iu është kërkuar që punën e tyre ta kryejnë me të gjithë potencialin që e kanë dhe të ndihmojnë qytetarët në Turqi.