Analistët janë pak të befasuar nga ekipi që u zgjodh prej prokurores speciale. Gazetarja Gordana Duvnjak e cila me vite të tëra i përcjell gjendjet në gjyqësor, theksoi se është e dukshme se Janeva është përcaktuar për bashkëpunëtorët e rinj nga prokuroritë publike, ndërsa bie në sy emri i prokurores Lile Stefanova nga departamenti i krimit të organizuar që i udhëhiqte proceset e ndjeshme që kishin konotacion politk, si Spiun, Likuidim, Magjar Telekom, transmeton zhurnal.mk

Ish gjykatësi në Gjykatën Kushtetuese, Trendafil Ivanovski, nuk ka pritje të mëdha.

Theksoi se ekipi i Janeva fillimisht është i shumtë në numër, dhe e dyta që është më me rëndësi, është i përbërë nga prokurorë që deri më tani kanë pasur rastin që të tregohen si luftëtar kundër krimit dhe korrupsionit.

Njohësit e këtyre çështjeve thuan se Janeva gjendet në një situatë ekskluzive, pasi që i ka të gjitha kushtet për ta kryer punën mirë.

U krijua një institucion i ri në të cilën nuk do të ekzistojnë problemet dhe opstrukcionet me të cilat përballen prokurorët tjerë, ndërsa në dispozicion i ka të gjitha resurset e nevojshme teknike.

Ajo që ngel në krye të detyrës është se hapësirë për alibi nuk ka, thuan bashkëbiseduesit.