Pas zgjedhjeve të fundit parlamentare, të mbajtura më 30 gusht 2020, Mali i Zi ka hyrë në një fazë të re të zhvillimit demokratik.

Kështu ka filluar fjalimin mandatari për kryeministër i Malit të Zi, Dritan Abazoviq, derisa prezantoi programin qeverisës, shkruan arbresh.info.

“Megjithatë, Qeveria e 42-të dhe shumica parlamentare nuk kanë arritur të gjejnë një gjuhë të përbashkët dhe është një nga arsyet më të rëndësishme pse procesi i përgjithshëm i reformave politiko-sociale. Zgjidhja e një sërë çështjesh të hapura, janë arsyeja pse rruga e bllokuar evropiane e Malit të Zi, si dhe proceset e tjera reformuese, do të jenë në fokus të ri, të qeverisë së 43’të të Malit të Zi”, deklaroi Abazoviq.

Sipas tij, agresioni i Rusisë kundër Ukrainës, të cilin qeveria e mëparshme tashmë e ka dënuar dhe është angazhuar në respektimin e sanksioneve të BE-së kundër Rusisë, ka provokuar lëvizje të trazuara gjeopolitike.

“Pavarësisht se sfidat dhe gjenerimi i krizave të reja, perspektiva të reja janë hapur për Malin e Zi. Prandaj tani duhet të përshpejtojmë përmbushjen e kërkesave të mbetura për anëtarësim në Bashkimin Evropian. Unë besoj se Mali i Zi mund të kërkojë një pranim të përshpejtuar dhe se vendimet urgjente, të gjithanshme mund të merren së shpejti që të bëhemi anëtare e plotë e BE-së”, deklaroi Abazoviq./arbresh.info/

EKSKLUZIVE| Pritet rrëzimi i qeverisë në Malin e Zi, Abazoviqi kryeministër i ardhshëm

DOKUMENT| Programi i plotë i Abazoviqit

Planet ambicioze të Abazoviqit për fushën e turizmit

Prioritetet politike në programin qeverisës të Abazoviqit

Ministritë në kabinetin e Abazoviqit