Në ditët me temperatura të larta, konsumimi i lëngjeve është mëse i nevojshëm.

Portali arbresh.info sjell një recetë nga Ukraina.

Supa përmban vlera të larta ushqyese dhe është shumë e lehtë për t’u gatuar.

Përbërësit:
4 gota të mëdha lëng pule ose perimesh
3 lugë vaj ulliri
1 qepë mesatare e grirë
1 karotë mesatare e grirë në rende
3 patate të prera në kubikë
4 gota spinaq të copëtuar
1 kungull i njomë
3 lugë gjellë lëng limoni
4 vezë të ziera të prera në kubikë
1 lugë e madhe majdanoz
Kripë, piper për shije
Salcë kosi për servirje

Përgatitja:

Në një tenxhere të madhe vendoseni lëngun e mishit të pulës të ziejë dhe shtoni patatet. Ulni nxehtësinë në mesatare të ulët dhe gatuajeni për 15 minuta.

Ndërkojë ngrohni vajin e ullirit në një tigan mesatar që nuk ngjit dhe shtoni qepën, karotën dhe fërgoni për të paktën 10 minuta. Në një tenxhere me patate, shtoni qepën e skuqur, karrotën, kungull i njomë dhe spinaqin dhe vazhdoni zierjen për 5-7 minuta. Shtoni kripë dhe piper për shije.

Shtoni lëngun e limonit, vezët e prera në kubikë dhe majdanozin.

Hiqeni supën nga zjarri dhe shërbejeni menjëherë, duke ia shtuar një lugë të mesme salcë kosi. Ju bëftë mirë!/arbresh.info/