Sa herë duhet t’i lyeni flokët gjatë vitit për të shmangur rrezikun e kancerit në gjoks

13:42 | 3 Maj 2018
Arbresh.info

Sipas studimeve të kryera së fundmi, ka rezultuar se bojërat e flokëve mund të shkaktojnë kancer të gjirit. Pra, kostoja e bukurisë mund të paguhet shumë shtrenjtë, sepse lyerja e flokëve mund të rrezikojë seriozisht shëndetin.

Eksperti Kefah Mokbel i spitalit Grace në Londër ka zbuluar se gratë që lyejnë flokët, qoftë në shtëpi qoftë te parukieri, kanë rrezik më të madh për t’u prekur nga kanceri i gjirit.

“Gratë që lyejnë flokët janë 14% më shumë të rrezikuara për të zhvilluar kancerin e gjirit”- ka thënë eksperti. Problemi varet nga substancat sintetike si amoniaku, apo substancat që ndikojnë në balancat hormonale.

Megjithatë, kjo nuk do të thotë që duhet të hiqni dorë, thjesht duhet të rralloni lyerjen e flokëve ose të përdorni bojëra me baza natyrale.