Piloti vdes gjatë fluturimit, zbritje emergjence në Kuvajt

01:45 | 29 Shtator 2017
Trina Galanxhi

Ka ndërruar jetë papritur teksa ishte në kabinën e pilotimit në një avion të linjës “Etihad” drejt Amsterdamit dhe kolegu i tij piloti është detyruar të bëjë një ulje emergjence në Kuvajt, ku mjekët, pasi janë ngjitur në bord për t’i dhënë ndihmën e parë, nuk kanë mundur ta kthejnë në jetë komandantin e avionit.

Ngjarja ka ndodhur pak pas ngritjes në ajër nga Abu Dhabi, të një avioni të linjës arabe “Etihad”. Bashkë-piloti, ka dhënë menjëherë alarmin dhe ka marrë situatën në kontroll, por ndonëse avioni dhe pasagjerët nuk pësuan asnjë problem, për kolegun e tij nuk u bë dot asgjë.

“Kur komandanti humbi aftësinë për të operuar në fazën e parë të fluturimit, bashkë-piloti dha menjëherë alarmin dhe devijoi drejtimin drejt Kuvajt Sitit për të zbritur në siguri”, – tregojnë autoritetet e kompanisë arabe.