Vaji i arganit është një produkt që përfitohet nga pema e arganit dhe përdorimet e saj janë të shumta. Ky vaj mund të përdoret si kondicioner, zbutës i lëkurës dhe i flokëve.

Shpesh herë i quajtur si “vaj i artë”, për shkak të vetive të mahnitshme që ka,  ky vaj përmban sasi të mëdha ushqyese, të cilat janë shumë të dobishme, përfshirë vitaminën E dhe acidet yndyrore, të cilat kanë efekte shumë pozitive kur përdoren në mënyrë korrektë. Rezultatet kanë treguar se është mjaft multifunksional dhe mund të përdoret qoftë për flokë qoftë për të gjitha pjesët e trupit.

Nëse nuk keni vendosur  akoma ta përdorni, duhet ta bëni një gjë të tillë menjëherë.

Vaji i Arganit ka përfitime të shumta kur përdoret për flokë sepse ndihmon në riparimin e tyre dhe në qetësimin e lëkurës së kokës gjithashtu. Ai nuk është aspak irritues dhe shfuqizon të gjitha dëmet e shkaktuara në flokë nga kemikatet artificiale.

Vitamina E është jashtëzakonisht e dobishme për flokët dhe është gjetur në sasi shumë të mëdha në këtë vaj. Vitamina E nxit rritjen e flokëve të shëndetshme, pasi përmban antioksidantë, të cilat ndihmojnë inkurajimin e qelizave për rritje të tyre të fortë dhe plot shkëlqim.