Fëmijët që nuk bëjnë gjumë të mjaftueshëm janë më të prirë të abuzojnë me drogë dhe alkool kur arrijnë fazën e adoleshencës, paralajmëron studimi i ri.
Përgjatë një periudhe 10 vjeçare, hulumtuesit kanë monitoruar 186 djem nga Pennsylvania, duke filluar nga mosha 11 vjeçare, transmeton Telegrafit.

Ata kishin anketuar shprehitë e tyre të gjumit përgjatë studimit. Pastaj, në moshën 21 vjeçare, kishin i kishin intervistuar ata për përvojat që i kishin pasur me drogë dhe alkool.

Djemtë që kishin përjetuar më shumë probleme me pagjumësi kishin qenë të parët për të filluar përdorimin e alkoolit dhe tymosjen e kanabisit.

Ata gjithashtu prireshin të përdorin drogë më shumë sesa shokët e tyre. Çdo orë më pak gjumë në moshën 11 vjeçare ishte ndërlidhur me 20 për qind shpejtim të përdorimit për herë të parë të alkoolit dhe kanabisit.

Trajtimi i problemeve me droga dhe alkool kur veçse ekzistojnë dhe parandalimi i tyre, mund të jenë vërtetë sfiduese. Megjithatë, shkencëtarët janë duke bërë çmos për t’i vetëdijesuar prindërit rreth rëndësisë së kualitetit të mirë të gjumit gjatë fëmijërisë dhe përfitimet që i sjell në zvogëlimin e përdorimit të substancave më vonë.