Edhe pse duket sikur dita për të folur për modën është e largët, në fakt nuk është edhe aq, pasi kur gjithçka duket sikur nuk ka më kuptim, nis një ditë e re, një frymëzim i ri.

Pranvera po troket me një energji të re, atë të viteve ’70, e cila është rikthyer pas 3 dekadash… Këtë gjë e kanë konfirmuar sfilatat e realizuara shatorin e kaluar, duke sjellë disa nga trendet kryesore, që do të dominojnë këtë vit!

Kemi të bëjmë me një modë të re, një modë nostalgjike, plot ngjyra dhe volume, thekë e një sërë aksesorësh që do t’i bëjnë veshjet tuaja të duken më të kuruara. Një risi e këtij viti është rëndësia që i është dhënë planetit dhe rrezikut të ngrohjes globale, duke aplikuar copa dhe materiale që e “dashurojnë” planetin .

5 trendet e reja që do t’i shohim çdo ditë këtë vit, sapo të dalim nga izolimi janë si më poshtë…

1.Ekspozimi i shpatullave
Romantike në pranverë! Jakat që zbulojnë shpatullat do të jenë protagoniste për bluzat dhe fustanet. Ekspozimi i shpatullave është një detaj femëror, seksi dhe shumë chic në të gjitha rastet. Gjithashtu, bustet vijnë të propozuara edhe në forma më voluminoze duke u shoqëruar me pantallona apo funde të prera drejt.

2.Jaka tipike e viteve ‘70
Frymëzimi kryesor nga vitet ’70? Muzika! Jakat e këmishave apo xhaketave vijnë të ekzagjiruara, më të mëdha se zakonishht dhe plot stil. Prada, Fendi dhe Louis Vuitton e kanë aplikuar këtë trend gjërësisht në koleksionet e tyre, në këmisha fustane e xhaketa, të cilat janë protagonistet e koleksionit.

3.Frymëzimi nga fustanet e nusërisë
Fustanet tipike të nusërisë e humbasin formalitetin e tyre në këtë sezon dhe kthehen në veshje të përditshme. Jo vetëm me volum, por edhe në ngjyrë të bardhë dhe gjithashtu edhe në formën e kostumeve mashkullore. Valentino, McQueen, Dior dhe Victoria Beckham do të jenë “shoqërueset” e nuses këtë sezon!

4.Frymëzimi “Safari”
Prej disa sezonesh, ky frymëzim vazhdon për krijuesit e modës… Paleta e shkretëtirës e dominon këtë trend me nuanca si portokallia, e kuqja, mustarda, apo ngjyra kaki. Nga Gucci tek Zimmermann, protagonistet janë xhaketat dhe fundet me xhepa, kapelet dhe çantat e kashtës.

5.“Të duash planetin”…
Siç e thamë dhe në fillim të këtij artikulli, ndryshimet klimaterike janë në qendër të trendeve të këtij viti. Ky shqetësim është protagonist në frymëzimet e shumë markave dhe do të thotë të “respektosh”./Revista Class