Për të krijuar një miqësi të vërtetë është e nevojshme të keni durimin e kopshtarit, instinktin e atij që e do të vërtetën dhe çmendurinë për t’u hedhur “në lojë”.

Por, cilat janë rregullat për një miqësi të vërtetë?!

Pranoni defektet e miqve – Miqtë duhet pranuar ashtu siç janë, andaj nuk duhet të kërkojmë nga ata që të ndryshojnë ndonjë gjë, pasi një gjë e tillë nuk do të na pëlqente as neve, po të na thoshte dikush.

Bëhuni të disponueshëm – Nëse dëshironi të krijoni një miqësi që ia vlen, është e rëndësishme që të pranoni defektet e përbashkëta dhe të përpiqeni të jeni një mikeshë e mirë ku mund të mbështeten në çdo moment.

Mos jepni shumë këshilla – Kur shihni se një mik bën një gabim, ose është pranë asaj faze, ju keni tendencë që t’i jepni shumë këshilla. Por, mos harroni miqtë tuaj e  dinë më mirë se çka duan në jetën e tyre.

A shkojnë bashkë miqësia dhe paratë? – Nëse merrni borxh dhe nuk ia ktheni më, ekziston rreziku që gjysma e miqësisë tuaj të marrë fund.

Mësoni të kërkoni falje – Duhet të mësoheni të kërkoni falje, pasi kjo është një provë e shpëtimit të miqësisë.