Presidenti francez, Emmanuel Macron ka deklaruar se fëmijët francezë do të fillojnë shkollën në moshën tre vjeçare në vend të gjashtë.

Ky ndryshim ka ardhur si pjesë e reformave të reja arsimore, transmeton portali arbresh.info

Ndryshimi do të bëjë Francën vendin me arsimimin e detyrueshëm me moshën më të ulën në Europë.

Megjithatë, ky vendim nuk pritet të ndikojë te fëmijët francezë, pasi shumica e familjeve franceze tashmë kanë zgjedhur që të dërgojnë fëmijët e tyre në shkollë në atë moshë.

Vetëm 2.4% e fëmijëve nuk janë të regjistruar në atë moshë, tregojnë shifrat e qeverisë.

Macron tha se ndryshimi ka për qëllim reduktimin e pabarazisë në arsim, pasi prindërit në zonat më të varfëra të Francës dhe në territoret jashtë shtetit kanë më pak gjasa të dërgojnë fëmijët e tyre në shkollë në moshë të re./arbresh.info/