Kur bëhet fjalë për ndarjet, ne shpesh supozojmë se gratë e kanë të vështirë përballimin e një ndarje.

Megjithatë, një studim i fundit ka gjetur se meshkujt në fakt vuajnë më shumë sesa femrat kur lidhja e tyre merr fund, transmeton portal arbresh.info

Studimi i parë në llojin e tij, i botuar në Journal of Social and Personal Relationships, analizoi marrëdhëniet në internet, duke përcaktuar problemet më të zakonshme të marrëdhënieve të përjetuara nga çiftet jashtë zyrës së terapistit.

Ekipi ndërkombëtar i psikologëve, i udhëhequr nga studiues në Universitetin Lancaster, përdori metoda të përpunimit të gjuhës natyrore për të analizuar karakteristikat demografike dhe psikologjike të mbi 184,000 njerëzve që kishin postuar problemet e tyre të marrëdhënieve në një forum anonim në internet.

Zbulimi gjeti se burrat vuajnë më shumë emocionalisht kur marrëdhënia e tyre morri kthesë për të keq.

“Shumica e asaj që dimë për problemet e marrëdhënieve vjen nga studimet e njerëzve në terapinë e çifteve, e cila përfshin një nëngrup mjaft specifik njerëzish”, tha Charlore Entëistle, autore e studimit.

“Ne donim të kuptonim jo vetëm se cilat probleme të marrëdhënieve përjetohen më shpesh nga publiku i gjerë, por kush i përjeton ato probleme më shumë”, shtoi ajo.

Ndonëse nuk ishte një tronditje e madhe që komunikimi dhe besimi ishin disa nga çështjet më të zakonshme të diskutuara, ekipi hulumtues ishte i befasuar me dallimin gjinor që shfaqej në temë.

Analiza e të dhënave zbuloi se tema më e zakonshme e përmendur nga njerëzit që flisnin për problemet e marrëdhënieve të tyre ishte rreth dhimbjes emocionale të shkaktuar nga disa çështje.

Sipas studiuesve, tema që u shfaq vazhdimisht ishte për “dhimbjen e zemrës” që u ndje dhe ekipi regjistroi përdorimin e fjalëve specifike si: “pendim”, “ndarje”, “qarje” dhe “zemërthyer”.

Ndryshe nga pritshmëritë e studimit, ekipi tregoi se pjesëmarrësit meshkuj diskutuan më shumë për thyerjen e zemrës sesa gratë, duke sugjeruar se stereotipi i burrave që investohen më pak emocionalisht në marrëdhënie sesa gratë mund të jetë disi i pasaktë.

“Me vetë faktin që burrat flasin për zemrën e thyer, tregon se ata preken emocionalisht nga problemet në një marrëdhënie më shumë se gratë”, tha autorja e studimit.

Studiuesit zbuluan gjithashtu se burrat kishin më shumë gjasa të kërkonin ndihmë profesionale në internet sesa gratë, për t’u marrë me marrëdhëniet e tyre.

Nga ana tjetër, kjo mund t’i ndihmojë çiftet të shmangin pengesat e zakonshme në përpjekjen për të jetuar të lumtur.

Autorët e studimit sugjeruan gjithashtu se gjetjet mund të ndihmojnë në shfaqjen e problemeve që mund të ketë një marrëdhënie, duke theksuar se edhe burrat kanë poaq nevojë sa gratë të flasin rreth problemeve të tyre./arbresh.info/