Pyetja që bëjnë të gjithë është se kujt i sjell martesa më shumë lumturi, një burri apo një gruaje.

Eksperti i shkencës së sjelljes dhe eksperti i lumturisë Paul Dolan beson se gratë beqare pa fëmijë janë më të lumtura se kushdo tjetër, transmeton portal arbresh.info

“Nga martesa në shëndetin fizik dhe mendor përfitojnë më shumë burrat sesa gratë. Burrat e martuar adoptojnë një mënyrë jetese më pak të rrezikshme, më të shëndetshme dhe bëhen më efikase në punë. Gratë e martuara, nga ana tjetër, të paktën ato të moshës së mesme, janë në rrezik më të madh të çrregullime mendore dhe fizik sesa moshataret e tyre beqare”, tha ai.

Gjithashtu, ky ekspert rregullisht shpreh pikëpamjet e tij në ligjërata në të gjithë botën, dhe disa kohë më parë në një leksion të tillë ai deklaroi:

“Nëse jeni burrë, me siguri duhet të martoheni; nëse jeni grua, mirë, mos u shqetësoni,” tha ai.

Dolan tha gjithashtu se dëshira për t’u qetësuar dhe krijuar një familje mund të ketë një ndikim negativ në mirëqenien e grave.

Megjithatë, është e kundërta për burrat, sepse ata përfitojnë nga martesa sepse atëherë ekziston mundësia që ata të qetësohen dhe të ndërmarrin më pak rreziqe.

Sipas Dolan, grupi më i shëndetshëm dhe më i lumtur i popullsisë janë gratë që nuk janë martuar kurrë./arbresh.info/